Niðurstöður mælinga hafa borist okkur fyrir áfanga 7 og þær yfirfarnar. Vel á annan tug notenda innan áfanga 7 höfðu þegar pantað sér fjarskiptaþjónustu hjá sínu fjarskiptafélagi og nú er búið að tengja þá notendur í tengimiðjunni í Aratungu við fjarskiptabúnað fjarskiptafélaganna. Á næstu dögum mega þeir notendur því búast við heimsókn frá sínu fjarskiptafélagi sem setur upp endabúnað og hjálpar til við það að koma öllu í samband. Mælingar á öðrum áföngum standa nú yfir og um leið og niðurstöður berast opnum við á tengingar í næstu áföngum.
