Tilbúnir áfangar - fjöldi tenginga

Vel á annað hundrað notendur hafa nú þegar keypt sér fjarskiptaþjónustu um hið ný lagða ljósleiðarakerfi Bláskógaljóss. Notendum fjölgar á hverjum degi og fulltrúar fjarskiptafélaga eru í óðaönn að heimsækja viðskiptavini sína, setja upp fjarskiptabúnað og sjá til þess að allt virki sem skildi.

Áfanga 1,2,3,4,5,7,8,9 og 10 eru tilbúnir til notkunar. Þessa dagana er lögð áhersla á að ljúka vinnu við einstaka atriði sem, af ýmsum ástæðum, þurfti að bíða með á verktímanum.

Unnið er að lokafrágangi á Bergsstaða torfunni í þessari viku og í beinu framhaldi verður haldið áfram, þar sem frá var horfið, í áfanga 6 og lokið við frágang tengistaða á því svæði.