Søg
  • Guðmundur Daníelsson

Áfangi 1 tilbúinn og sígur á síðari hluta verksins

Áfangi 1 er tilbúinn og geta íbúar í áfanganum patnað fjarskiptaþjónustu. Til upprifjunar er mikilvægt að hafa LL númerið sem prentað er á inntaksboxið ykkar við hendina þegar þið ræðið við fjarskiptafélagið ykkar til að tryggja að sú þjónusta sem þið pantið berist ykkur en ekki öðrum.

Vinnu við verkið miðar vel. Vegaframkvæmdir við Reykjaveginn setja okkur svolitlar skorður sem við erum að leysa úr. Áfangar 3, 4 og 10 eru mjög langt komnir í vinnslu hjá verktakanum okkar. Vegaframkvæmdir valda þó því að það verður örlítil bið eftir því að notendur í þessum áföngum geti tengst við Reykholt. Lausn er í sjónmáli og fyrr en varir tengjum við þessa áfanga við miðstöðina í Reykholti.

Vinna við áfanga 7 er hafin. Til upprifjunar liggur sá áfangi frá Reykholti um Skálholt í gegnum Laugarás, í suður átt að Skeiða- og Gnúpverjahreppi.

Það sér því orðið fyrir endann á verkefninu. Samhliða áfanga 7 verður unnið við áfanga 9 (Reykholt-Syðri Reykir) sem tengir áfanga 3,4 og 10 við Reykholt. Síðasti áfangi verksins, þ.e. áfangi 6 sem liggur frá Nesjavöllum að Þingvöllum verður unninn í beinu framhaldi af áfanga 7 og 9.

Það lítur því út fyrir að íbúar í öllum áföngum geti horft á áramótaskaupið þetta árið í gegnum sjónvarpsútsendingu um ljósleiðara.




23 visninger